Plantun de Prouvènço

Pèr coumpara dos planto d'encò nostre

Mutellina adonidifolia & Abies grandis

Mutellina adonidifolia

Apiaceae Umbelliferae

Nom en français : Ligustique à feuilles d'adonis.

Descripcioun :
La mutellino es uno planto renadivo, sènso péu que trachis dins li pelouso, champino e coumbo à nèu séusouso, dins l'uba dis Aup. Es uno planto raro au nostre. Se recounèis à sa cambo boutisso e subretout à si fueio tres cop descoupado en long que fan un pau pensa à li dóu Seseli montanum. Apoundèn que li brout an ges de bratèio (mai pas lis invoulucello).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Mutellina
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 3 à 5 cm
Flourido : Estiéu

Sòu : Si
Autour basso e auto : 1500 à 2800 m
Aparado : Noun
Juliet à avoust

Liò : Pelouso - Champino - Coumbo à nèu
Estànci : Subaupen à Aupen
Couroulougi : Ouroufito-Éuroupenco
Ref. sc. : Mutellina adonidifolia (J.Gay) Gutermann, 2006 (= Meum mutellina (L.) Gaertn., 1788 = Ligusticum mutellina (L.) Crantz, 1768 )

Sapin(-grandaras)

Abies grandis

Pinaceae

Àutri noum : Sap, Sapino, Sapi, Abet.

Noms en français : Sapin géant, Sapin de Vancouver.

Descripcioun :
Lou sapin-grandaras trachis naturalamen en Califournìo. En Franço es esta planta pèr lou rebouscage, mai n'i'a quàsi pas en Prouvènço. Sèmblo à nosto sapino, Abies alba, emé lis aguio dins lou meme plan, pamens li fueio soun mai longo (> 4 cm). N'i'a peréu de courteto. Li bourrroun soun resinous e li pigno soun à bratèio dedins. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.